ЗА КВІТНЕЮЧУЮ БЕЛАРУСЬ! | Заря над Бугом

ЗА КВІТНЕЮЧУЮ БЕЛАРУСЬ!

Грамадска – культурная акцыя пад назвай «Беларусь — гэта мы» прайшла ў раённым Доме культуры на мінулым тыдні. Мерапрыемства пачалося з выступлення старшыні райвыканкама, дэлегата I V Усебеларускага народнага сходу Уладзіміра Мацукі. У сваёй прамове Уладзімір Аляксандравіч вызначыў асноўныя дасягненні за апошнія пяць гадоў:

“У нашым раёне нямала было зроблена для ўладкавання і падтрымкі вёсак, у некаторых і зараз вядуцца работы па добраўпарадкаванні, ствараюцца спрыяльныя ўмовы для жыцця і працы. Па Праграме адраджэння і развіцця вёскі, за апошнія гады статус аграгарадка атрымалі 13 населеных пунктаў Прыбужжа. Многія задачы Праграмы сацыяльна-эканамічнага развіцця Беларусі вырашаны, некаторыя яшчэ трэба будзе вырашыць.

На IV Усебеларускім народным сходзе былі пастаўлены задачы на новую пяцігодку, якая стане перыядам абнаўлення, нацэленым на якасна новае развіццё Беларусі. Кіраўнік дзяржавы запэўніў, што ўсе намаганні краіны былі і будуць накіраваны на няўхільны рост дабрабыту нашых грамадзян.

Пасля выступлення Уладзіміра Мацукі канцэртную праграму прадоўжылі творчыя калектывы Прыбужжа. Свае нумары прадставілі вакальна-інструментальны ансамбль “Рандэву”, народны калектыў “Чарнічанка”, ансамбль танца “Белая Русь”. Выступалі і вядомыя ў нашым раёне спевакі Ірына Шумак, Віталь Аполька, Марыя Пекун і іншыя.

Канцэрты ў рамках раённай акцыі “Беларусь – гэта мы!” у хуткім часе пройдуць у многіх сельскіх Саветах Прыбужжа.

Крысціна БУДЧАНІНА

Похожие новости

Create Account



Log In Your Account



Заказать звонок
+
Жду звонка!