Дзень настаўніка прайшоў добра і весела | Заря над Бугом

Дзень настаўніка прайшоў добра і весела

01Дзень настаўніка – цёплае і чуллівае свята. У беларускіх навучальных установах яго святкуюць па-рознаму. У сярэдняй школе  г.п. Дамачава трыццатага верасня таксама ўсе вучні віншавалі сваіх любых настаўнікаў, дарылі ім кветкі, паштоўкі, зробленыя сваімі рукамі.

Перад пачаткам заняткаў прайшла ўрачыстая лінейка, на якой былі прадстаўлены ў ролі адміністрацыі і настаўнікаў вучні старэйшых класаў, а для педагогаў быў арганізаваны 12 клас, і яны пабылі ў ролі вучняў.

На перапынках гучала вясёлая музыка, асабліва радаваліся гэтаму першакласнікі, дружна танцавалі. Уся школа была ўпрыгожана шарамі, плакатамі.

Пасля ўрокаў у актавай зале прайшоў урачысты канцэрт, на які былі запрошаны і ўсе настаўнікі-ветэраны. Вучні адзінаццатага класа са сваім класным кіраўніком Валянцінай Рыгораўнай Грузінскай ад усяго сэрца павіншавалі педагогаў з іх прафесійным святам і шчыра падзякавалі за іх нялёгкую працу.

Гучалі песні, вершы, праводзіліся гульні. Вучні 11 класа падрыхтавалі цікавыя гумарыстычныя сцэнкі са школьнага жыцця, відэаролік са смешнымі адказамі настаўнікаў на пытанні вучняў.

Нам вельмі спадабаўся гэты дзень! Ён прайшоў добра і весела. Усе вучні і настаўнікі ішлі дадому ў прыўзнятым настроі.

Ангеліна Несцярук, Паліна Ігнацюк, Іван Шульга, Ліза Цітарэнка,

вучні 6 класа ДУА “Сярэдняя школа г.п.Дамачава”

Похожие новости

Create Account



Log In Your Account



Заказать звонок
+
Жду звонка!