Каб гучала родная мова | Заря над Бугом

Каб гучала родная мова

Вельмі важна навучыць  дзяцей з павагай ставіцца да роднай мовы  і размаўляць на ёй. Яны мала чуюць беларускую мову ў шырокім ужытку, а таму маюць бедны слоўнікавы запас, іх маўленне знаходзіцца пад уплывам рускай мовы.

І каб прывіць цікавасць да роднай мовы, ў дзіцячым  садку вёскі Страдзеч адбыўся тыдзень  беларускай мовы. На працягу пяці дзён дзеці разам з выхавальнікамі чыталі і слухалі казкі, вучылі вершы, спявалі песні на беларускай мове, адгадвалі загадкі,  малявалі любімых герояў беларускіх казак, гулялі ў народныя гульні. Таксама была арганізавана выстава дэкаратыўна-прыкладных вырабаў педагогаў, бацькоў і дзяцей.

Самыя маленькія гледачы наведалі этнаграфічны куток ў дзіцячым садку. А дзеці сярэдняй групы  адправіліся ў падарожжа ў беларускую хатку «Да бабулі Алены». Выхаванцы пазнаёміліся з традыцыямі беларускага народа, з прадметамі народнага побыту.

Асаблівыя ўражанні вы-клікала ў дзяцей наведванне Страдзецкай сельскай бібліятэкі, дзе яны пабывалі ў этнаграфічным  музеі старажытных рэчаў, пазнаёміліся з беларускай дзіцячай літара-турай.

Скончыўся тыдзень паказам інсцэніроўкі беларускай казкі «Як кот звяроў напалохаў», у якой прынялі ўдзел выхаванцы старшай групы.

Надзея АРЦЯМУК,

намеснік загадчыка па асноўнай дзейнасці  ДУА «Яслі-сад в.Страдзеч»

Похожие новости

Create Account



Log In Your Account



Заказать звонок
+
Жду звонка!