НАЙГАЛОЎНЕЙШЫ ГРУЗ | Заря над Бугом

НАЙГАЛОЎНЕЙШЫ ГРУЗ

Яшчэ тыдні за два да пачатку жніва вадзіцелі МАЗаў Аркадзь Мікалаевіч Малевіч і Сяргей Сцяпанавіч Канановіч былі папярэджаны, што яны “прыкамандзіроўваюцца” да экіпажаў зернеўборачных камбайнаў. А што гэта значыць – ведаюць, пэўна, усе: адказнасць за самы галоўны груз хлебароба на маршруце поле – зернеток “вісіць” на шафёрах. Каб ні шчылінкі ў кузаве, каб брызентавы молат быў без дзірак, каб машына ўся ззяла – свяцілася свежаю фарбаю і заўсёды была на хаду – напісаныя правілы для тых, каму даверылі жніво і хлеб. Зерне – найгалоўнейшы груз – павінна пахнуць толькі хлебам. І да жніва – 2011 мужчыны падрыхтавалі тэхніку як да свята – самыя прыдзірлівыя інспектары ДАІ паставілі вадзіцелям найвышэйшую адзнаку.

А на самім жніве Аркадзь Малевіч і Сяргей Канановіч з “Маладой гвардыі” таксама “засвяціліся”, толькі на гэты раз ужо як вадзіцелі – “тысячнікі”. Доўга, але мэтанакіравана ішлі мужчыны да рубяжа, перасягнуць які заўсёды ёсць гонар для прафесіянала-хлебароба.

Стаць “тысячнікам” на жніве – гэта ўсё роўна, што атрымаць медаль ці ордэн – людзі аднолькава ўшаноўваюць і ацэньваюць адданасць чалавека сваёй прафесіі і яго адносіны да працы. Аркадзя Малевіча павіншавалі “Лістом падзякі” старшыня камітэта па сельскай гаспадарцы і харчаванню аблвыканкама С.Р. Радкавец і старшыня абкама прафсаюза работнікаў АПК А.А. Флар’яновіч, а Сяргея Канановіча – начальнік упраўлення райсельгасхарчу В.М. Лукашэвіч і старшыня райкама прафсаюза работнікаў АПК М.І. Паўлюковіч. Гэты здымак быў зроблены адразу пасля таго, як вадзіцелі – “тысячнікі” атрымалі “Лісты падзякі”.

Тэкст і фота Сямёна ІВАНЕНКІ

Похожие новости

Create Account



Log In Your Account



Заказать звонок
+
Жду звонка!