У Тэльмах танчылі і шчадравалі | Заря над Бугом

У Тэльмах танчылі і шчадравалі

У Калядны вечар у Тэльмаўскім Доме культуры прайшлі тэатралізаваныя выступленні, прысвечаныя святу Вадохрышча. Гасцям і жыхарам вёскі работнікі культуры прапанавалі спектакль, які адлюстроўваў падзеі  Віфлеемскай ночы. На сцэне мясцовага Дома культуры выступілі творчыя калектывы з розных куткоў раёна – “Медуніцы”, “Спадчына”, “Сябрына”, “Астрамечаўскія Лявоны”, фальклорныя калектывы “Жывая вада” з Ляплёўкі, “Сединка” з Тэльмаў, кавярдзякскі калектыў “Бліскавіца” парадаваў усіх прысутных вогненным шоу.

Працягнуліся святочныя мерапрыемствы на вуліцы. Праграму вулічных падзей распрацавалі работнікі Клейнікаўскага Дома культуры. Кожны калектыў прадстаўляў народны абрад шчадравання.

Адкрылі першыя вулічныя шчадроўкі вучні 3-га класа Тэльмаўскай сярэдняй школы. Дзякуючы іх настаўніцы Алене Лявонцьеўне Суржынскай, дзеці былі добра падрыхтаваны, і, можна сказаць, выканалі народны абрад “на выдатна”.

На Вадохрышча наведалася ў Тэльмы і кіраўніцтва раёна, і госці з розных мясцін Прыбужжа, і гараджане. Прыехаў на свята і настаяцель Свята-Петрапаўлаўскага храма айцец Аляксандр, які даў блаславенне гэтаму мерапрыемству.

Крысціна БУДЧАНІНА

Похожие новости

Create Account



Log In Your Account



Заказать звонок
+
Жду звонка!